> For the complete documentation index, see [llms.txt](https://v-vishwanath.gitbook.io/kiraak/llms.txt). Markdown versions of documentation pages are available by appending `.md` to page URLs; this page is available as [Markdown](https://v-vishwanath.gitbook.io/kiraak/fundamentals/data-types.md).

# Data Types

{% hint style="info" %}
**Good to know:** Kiraak vaise toh **dynamically typed** hai...yaani koi variable kabhi bhi kuch bhi data type ko rakh sakta hai. Toh inka istemaal seedha code me toh nai hota hai par iski jaankaari hone pe tumhareko aur ache se samajh me aata ki ho kya raha hai!
{% endhint %}

Apne Kiraak me 4 **basic** data types hai:

### Number

Isme tumhare saare numbers aajayenge.. Ye idhar udhar karke$$10^{-308}$$se $$10^{308}$$tak  ke values store kar leta, jisse jyada bade numbers rakhne ki jaroorat toh nai padni chahiye!

### String

2 quotes (single ya double) ke beech mein agar kuch bhi likh diye, usko string boltey hai. Ab new line jaisa kuch likhna hai toh [escape sequence](https://www.ibm.com/docs/en/i/7.3?topic=set-escape-sequences) dekhke daalna padta.

Example: `'Miya bhai boltey aandoh!'` ya `"Miya bhai boltey aandoh!"`

### Boolean

Boolean boletoh hamara true or false hogaya. Apne Kiraak me isku `sahi` aur `galat` boltey. Ye condition vagera lagane me kaam aata hai

### Khaali

Ab vaise toh ye koi data type toh nai hai, lekin agar koi kaam ki cheez nai hai uss memory location me toh vo `khaali` hoga. Iska istemaal hamlogan doosre tareeke se bhi kar sakte, jaise socho apan  koi ek variable bana diye, lekin andhar kuch hai ich nai...ab aise time pe ye kaam aata! Condition laga ke check karlo khaali hai ki nai. Khaali hai toh kuch karo, nai toh kuch aur! Simple ekdum jhakaas hai!

Ab inke alava tumhare paas 2 aur **complex** data type hai:

### Collection

Ab maamul programming me “arrays” jo boltey usko kiraak me “collections” boltey (simple rakhne waastey). Collection boletoh simple bhasha me ek dabbe ke jaisa hai, jisme alag alag cheezo ko daal sakte. Apne ko hona hai toh strings, numbers ya doosre collections, kuch bhi daal le sakte.

### Function

Vaise functions data type toh nai hota, lekin Kiraak me function ko bhi ek data type ke vaisa ich dekha jaata hai. Function boletoh ek mini program jaisa soch le sakte, jo tab ich run hota jab usku chalaya jaata hai. Ab tum maamul programming languages me "**lambda function**" ka naam sune honge. Kiraak me purey function lambda jaise ich hai. Jyada confusion nai. Bas function boletoh ek aisa data type maanke chalo jo data nai balki code ko rakhta hai!